დაიბადა 1990 წლის 26 დეკემბერს ქალაქ საგარეჯოში. 2009 წელს დაამთავრა ქ. საგარეჯოს N4 საჯარო სკოლა ოქროს მედალზე, ხოლო 2013 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტი წარჩინებით და მიენიჭა ბიზნესის ადმინისტრირების ბაკალავრის ხარისხი ტურიზმში.
2011 წელს გაიარა გიდების მოსამზადებელი ტრეინინგ-კურსები ტურისტულ სააგენტოში „Concord Travel“.
2007 წელს I ადგილი აიღო განათლების სამინისტროს მიერ ორგანიზებულ ეროვნული და საერთაშორისო სასწავლო ოლიმპიადების პროგრამის გუნდურ-ინტეგრირებული პროექტების კონკურსში.
2005 -2006 წლებში მოიპოვა I ხარისხის დიპლომი საქართველოს მოსწავლეთა59-ე და მე-60 სასწავლო-შემოქმედებით კონფერენციებში.
2005 წელს იყო Peace Corp-ის მიერ ორგანიზებული ეკოლოგიური ბანაკის „Eco-camp“-ის მონაწილე.
2004 წელს მონაწილეობა აქვს მიღებული იუნესკოს ასოცირებული სკოლების მოსწავლეთა კონფერენციაში „ბუნებრივი კატასტროფის შემცირების დღე“.
2014 წლიდან ერთი წლის განმავლობაში მუშაობდა მიკროსაფინანსო ორგანიზაციაში „უნივერსალ კრედიტ გრუპი“.
ინტერესის სფეროა მოგზაურობა.
ფლობს ინგლისურ და რუსულ ენებს.
როცა გავიგე, რომ მოვხვდი პროექტში ,,50 საჯარო მოხელე“, ვიყავი გახარებული, რადგან ვთვლი, რომ ეს იყო ერთ-ერთი მნიშვნელოვანი წარმატება ჩემს ცხოვრებაში და წინ გადადგმული ნაბიჯი პროფესიულ საქმიანობაში.
სხვებისგან გამორჩეული ვარ იმით, რომ მე ვარ ინოვაციური და წარმატებული პროექტის მონაწილე, სადაც შესაძლებლობა მეძლევა განვვითარდე პიროვნულად, გავეცნო საჯარო მოხელის მეტად რთულ და საპასუხისმგებლო საქმიანობას.
ჩემი ცხოვრების დევიზია: “იმისათვის, რომ იყო შეუცვლელი, იყავი ყოველთვის განსხვავებული.”კოკო შანელი
ერთი რამ რაც მინდა, რომ იცოდნენ ჩემს შესახებ არის ის, რომ არასოდეს მივატოვებ დაწყებულ საქმეს და მივაღწევ დასახულ მიზანს.
ის რაც შთამაგონებს არის ჩემი ოჯახი - ადამიანები, ვისგანაც ვგრძნობ სიყვარულს, ნდობას და თანადგომას.
ჩემი მომავლის კონცეფცია - ჩემი წარმატების საიდუმლო ჩემს შესაძლებლობებშია.
5 წლის შემდეგ მე ვიქნები წარმატებული პიროვნება, რომელიც თავის წვლილს შეიტანს საქართველოს კეთილდღეობაში.