ბრალდებულთა/მსჯავრდებულთა უფლება – მოვალეობებთან დაკავშირებული თეორიული ცოდნის გაღრმავების მიზნით პენიტენციური დაწესებულების სოციალური მუშაკებს ტრენინგი ჩაუტარდათ.
ტრენინგი დაეხმარება მონაწილეებს ბრალდებულებისთვის/მსჯავრდებულებისთვის კვალიფიციური კონსულტაციის გაწევაში, როგორც ინდივიდუალურად, ასევე ჯგუფურად. მონაწილეები შეძლებენ მიაწოდონ მათ ამომწურავი ინფორმაცია თავიანთი უფლება–მოვალეობების შესახებ.
ტრენინგი ხელს შეუწყობს ერთიანი პრაქტიკის გაუმჯობესებას – პენიტენციურ დაწესებულებებში სოციალური მუშაკების მომსახურების საერთო პრაქტიკის დახვეწას.
კურსი იუსტიციის სასწავლო ცენტრში ჩატარდა და მოიცავდა როგორც ჯგუფურ სავარჯიშოებს, ასევე თეორიულ ნაწილს კონსტიტუციიდან, სამართლებრივი აქტების დებულებებიდან და ბრძანებებიდან.